ముళ్ళ పొదల పాలైన పసికందు

భారమైన కన్న పేగు బంధం

జనసముద్రంన్యూస్, ఫిబ్రవరి 28, పల్నాడు జిల్లా, వినుకొండ.

పల్నాడు జిల్లా వినుకొండ మండలం నడిగడ్డ గ్రామ సమీపంలో గుర్తు తెలియని మగ బిడ్డను రోడ్డు పక్కన ముళ్ళ పొదల్లో పడేసిన గుర్తుతెలియని వ్యక్తులు*

వినుకొండ తహసిల్దార్ సురేష్ నాయక్ తెలిపిన సమాచారం మేరకు నడిగడ్డ గ్రామం కూతవేటు దూరంలో ఇటుక బట్టిల ప్రక్కన ముళ్ళ పొదలలో చిన్నపిల్ల ఏడుపులు వినిపించడంతో అక్కడ పనిచేసేవారు అప్పుడే పుట్టిన బాబును గుర్తించారు.108 కాల్ సెంటర్ కి సమాచారం తెలియజేయగా 108 సిబ్బంది వినుకొండ ప్రభుత్వ వైద్యశాలకు తరలించి , వైద్య సహాయం అందించారు. ప్రస్తుతం పసికందు ఆరోగ్య తీవ్రంగా ఉందని తెలిపారు.
నవ మాసాలు మోసి చూడాల్సిన తల్లి ఏ ఇబ్బందులకు గురై తన కడుపున పుట్టిన బాబును ముల్లపాలు చేసిందని పలువురు బాధను వ్యక్తం చేశారు. ఏ తల్లికి ఇటువంటి పరిస్థితి రాకూడదని కోరుకున్నారు.