ప్లాస్టిక్ కవర్లను నిషేధించి జ్యూట్ బ్యాగులు వాడాలి

పురపాలక సంఘ చైర్మన్ ఆకుల రజిత వెంకన్న

జనసముద్రం న్యూస్ హుస్నాబాద్ సెప్టెంబర్ 28:
సిద్దిపేట జిల్లా హుస్నాబాద్ పట్టణంలో పురపాలక సంఘ ఆధ్వర్యంలో స్వచ్ఛత హి సేవా కార్యక్రమంలో భాగంగా సైక్లతాన్స్ అనే కార్యక్రమాన్ని నిర్వహించారు.ఈ కార్యక్రమానికి ముఖ్యఅతిథిగా పురపాలక సంఘ చైర్మన్ ఆకుల రజిత వెంకన్న హాజరయ్యారు. ఈ సందర్భంగా ప్రభుత్వ బాలుర, బాలికల ఉన్నత పాఠశాల విద్యార్థి విద్యార్థినులు వారి యొక్క సైకిళ్లతో పురపాలక సంఘ కార్యాలయం నుండి గాంధీ చౌరస్తా వరకు సైకిల్స్ మీద ర్యాలీలో పాల్గొన్నారు. అనంతరం గాంధీ చౌరస్తాలో గాంధీ విగ్రహం చుట్టూ మానవహారంలా ఏర్పడి స్వచ్ఛతపై, పర్యావరణంపై, చెత్త విభజనపై, ప్లాస్టిక్ నిషేధంపై డ్రాయింగ్ గీసిన చార్జ్ ను ప్రదర్శిస్తూ స్వచ్ఛత ప్రతిజ్ఞ చేశారు. అనంతరం చైర్మన్ మాట్లాడుతూ పట్టణ ప్రజలందరూ పరిసరాల పరిశుభ్రత పాటించాలని, ప్లాస్టిక్ కవర్లు నిషేధించి జ్యూట్ బ్యాగులను వాడాలని, చెత్తను తడి చెత్త పొడి చెత్త మరియు హానికరమైన చెత్తగా వేరు చేసి మున్సిపల్ వాహనానికి అందించాలని, హుస్నాబాద్ పట్టణాన్ని స్వచ్ఛతలో ముందు ఉంచాలని, హుస్నాబాద్ పట్టణాన్ని స్వచ్ఛ హుస్నాబాద్ పట్టణంగా తీర్చిదిద్దడంలో ప్రజలందరి భాగస్వామ్యం కావాలని తెలియజేశారు.ఈ కార్యక్రమంలో కమిషనర్ మల్లికార్జున్ గౌడ్ , కౌన్సిలర్లు దొడ్డి శ్రీనివాస్, బొజ్జ హరీష్, పాఠశాల ఉపాధ్యాయులు, మున్సిపల్ అధికారులు, వార్డ్ ఆఫీసర్లు, వార్డ్ ఆర్పి,జవాన్లు మరియు విద్యార్థిని విద్యార్థులు పాల్గొన్నారు.