రైతులకు శుభవార్త.. డిసెంబర్‌ మొదటి వారంలో రైతుబంధు

జోగులాంబ గద్వాల్ జిల్లా జన సముద్రం న్యూస్ 28నవంబర్;

రెండో విడత రైతుల ఖాతాలో నగదు జమ చేయడానికి రెడీ అవుతుంది తెలంగాణ సర్కారు. ఈ నేపథ్యంలో తెలంగాణ రైతాంగానికి వచ్చే నెలలో యాసంగి రైతుబంధు నిధులు జమ కానున్నాయని వ్యవసాయ శాఖ మంత్రి సింగిరెడ్డి నిరంజన్ రెడ్డి వెల్లడించారు. ఇందుకోసం సిఎం కేసీఆర్ ఇప్పటికే అధికారులకు ఆదే శాలు జారీ చేశారని ఆయన పేర్కొన్నారు.

రెండో పంట సాగుకు డిసెంబర్ లో రైతుబంధు సాయం అందజేస్తామని ప్రకటించారు. డిసెంబర్‌ 1 తర్వాత రైతుబంధు సాయం నిధులు విడుదల చేయాలని ముఖ్యమంత్రి కేసీఆర్ ఆదేశాలు జారీ చేయగా, ఆర్థిక శాఖ ఆమోదించిందని చెప్పారు. రైతుబంధు కింద ఏడాదికి రెండుసార్లు రూ. 5వేలు చొప్పున 10 వేలు రైతుల ఖాతాల్లో డిపాజిట్ చేస్తారు.