JANASAMUDRAM NEWS
జనసముద్రం న్యూస్,రాప్తాడు :
రాప్తాడు పోలీసు స్టేషన్ ను ఆకస్మిక తనిఖీ చేసిన జిల్లా ఎస్పీ
పోలీసు స్టేషన్ పరిధిలోని గ్రామాల్లోని తాజా పరిస్థితులపై ఆరా తీశారు. శాంతిభద్రతల పరిరక్షణ విషయంలో గట్టి చర్యలు తీసుకోవాలని సూచించారు. జాతీయ రహదారిపై రోడ్డు ప్రమాదాల కట్టడికి కృషి చేయాలి. తరుచూ ప్రమాదాలు జరిగే ప్రాంతాలను ఇతర విభాగాలతో కలసి పరిశీలించి తగు చర్యలు తీసుకోవాలన్నారు. రోడ్డు భద్రతా నియమాలు చేపట్టి రోడ్డు ప్రమాదాల నియంత్రణకు కృషి చేయాలన్నారు. సైబర్ నేరాలపై ప్రజల్లో అవగాహన చేయాలన్నారు. క్రైం అగనెస్ట్ ఉమెన్, ఎస్సీ ఎస్టీల నేరాలపై ప్రత్యేక దృష్టి సారించి త్వరితగతిన పరిష్కారం చూపాలన్నారు. గ్రామాల్లో సిసి కెమేరాల ఏర్పాటుకు కృషి చేయాలని సూచించారు. ప్రజల్లో మమేకమయ్యేలా పోలీసుల పని తీరు ఉండాలని సూచించారు. గ్రామ పోలీసులను సమన్వయం చేసుకుని నేరాలు తీవ్రం కాకుండా మొగ్గ దశలోనే అణచి వేయాలన్నారు. పోలీసు స్టేషన్ సిబ్బందితో ముఖాముఖి సమావేశమయ్యారు. సిబ్బంది సాధక బాధకాలను అడిగి తెలుసుకోవడంతో పాటు పోలీసు విధుల పట్ల దిశానిర్ధేశం చేశారు. జిల్లా ఎస్పీతో పాటు ఇటుకలపల్లి సి.ఐ మోహన్, రాప్తాడు ఎస్సై రాఘవరెడ్ది, తదితరులు తనిఖీలో పాల్గొన్నారు.
